حزاية الحبّابة

Admin عدد المساهمات : 1306 تاريخ التسجيل : 22/12/2009

اليـهال/ أمايي العودة سوي لينا حزاية عادة
الحبّابة/ تعبانة أني .. باجر انشالله أسوي ليكم ذيك الحزاية الحليوة
اليهال/ لا لا أحين أحين
يالحبّابة/ روحوا عني ..أني راسيي يعورني
اليهال/اهئ اهئ
الحبّابة/ المشتكى لله .. تعالوا تعتعوا بكم يا خلف أبويي

( زور ابن الزرزور اللي عمره ما جذب و لا حلف زور ,, ذبح بقّة و ترس سبعة جدور .. و خلّى الشحوم و للحوم على الصواني تدور ) ,, و تبتدي الحزاية

حبايبي أكيد وصلت فكرة الموضوع.. اللي عنده حزاية(قصة) من التراث يحطها لينا اهني

أنتظر تفاعلكم

اختكم نور القمر

الله الله والله شي

ذكرتيني بحزامي المسلسل مريم الغظبان

هههههههه قدييم بس والله حلو

مشكووره خيتو نور القمر

ههههههههههه
اي والله ذكرتينا بمريم الغضبان وهي تحازي لليهال ههههه
طيب
اذا حصلت على قصه قديمة راح اكتبها ان شاء الله
انتظرووني

هههههههههه ههههههههههه

والله ايام كانت حلوة وكنا نفرح بالحزايه

اذكر كنت لما يقولون لحزايه اكون مستمعه جيده وكان نفسي ماتخلص
الله يرحم جدتي ام الوالد كانت دايما تقول لي حزيات

سارجع واذكر لكم قصه (حزايه)

وفقتي لكل خير يانور

واخيرا نور القمر دخلت في قسم الاحساء

هههههههههههههههه والله لاعبين علينا من الحزايات في التليفزيون وحنا ما شاء الله نصدق لكن ممتاز ماهوب هالحين اكثرها ما له أي داعي

بس صدق ذكره حلوه وعلى فكرة ترى جابوها قبل كذا كم اسبوع

ايوا شدي الهمة اشراقة تراي احتري القصه

تشكرين نور للحزايا اما كلمة حزايه يتراولي خاصة بأهل البحرين

Admin عدد المساهمات : 1306 تاريخ التسجيل : 22/12/2009

بنت النور كتب:: الله الله والله شي

ذكرتيني بحزامي المسلسل مريم الغظبان

هههههههه قدييم بس والله حلو

مشكووره خيتو نور القمر

الشكر لكي على تواجدك لكن انا ماريد مرور عابر لا اريد مشاركه منك وبانتظارك يابنت النور

لارى واقراءالحزايه اللي سمعتيها وانتي طفله هههههههه

Admin عدد المساهمات : 1306 تاريخ التسجيل : 22/12/2009

الجوري كتب:: ههههههههههه
اي والله ذكرتينا بمريم الغضبان وهي تحازي لليهال ههههه
طيب
اذا حصلت على قصه قديمة راح اكتبها ان شاء الله
انتظرووني

نحن بانتظارك الجوري فانتي من الاعضاءالذي احب ان اقراءمايكتبون

فلا تتاخري علينا يافراشة المنتدى

Admin عدد المساهمات : 1306 تاريخ التسجيل : 22/12/2009

اشراقة فجر كتب:: هههههههههه ههههههههههه

والله ايام كانت حلوة وكنا نفرح بالحزايه

اذكر كنت لما يقولون لحزايه اكون مستمعه جيده وكان نفسي ماتخلص
الله يرحم جدتي ام الوالد كانت دايما تقول لي حزيات

سارجع واذكر لكم قصه (حزايه)

وفقتي لكل خير يانور

اهلا برائدة القسم التراثي نتشرف بحظورك الرائع

وفقنا الله جميعا لكل خير

متشوقين لسماع قصتكم

Admin عدد المساهمات : 1306 تاريخ التسجيل : 22/12/2009

قمة الكرامه كتب:: واخيرا نور القمر دخلت في قسم الاحساء

هههههههههههههههه والله لاعبين علينا من الحزايات في التليفزيون وحنا ما شاء الله نصدق لكن ممتاز ماهوب هالحين اكثرها ما له أي داعي

بس صدق ذكره حلوه وعلى فكرة ترى جابوها قبل كذا كم اسبوع

ايوا شدي الهمة اشراقة تراي احتري القصه

تشكرين نور للحزايا اما كلمة حزايه يتراولي خاصة بأهل البحرين

اهلا بالمتابع الاول في القسم التراثي

يشرفني حظورك

ههههههههههههه اخيرا نزل موضوع من نور بعد العسو هههههههه

لاتخاف ياقمة انا ادخل القسم ومن المتابعين لكن لاضع مشاركات
وماشاء الله انت واشراقه مو مقصرين بالقسم يعطيكم العافيه
على جهودكم المبذوله

وبالنسبه للكلمه مادري اذا كانت بحرينيه ولا حساويه بس وانا صغير ه
كانو يقولون لي احزايه هذا اللي كنت اسمعه من جدتي

( زور ابن الزرزور اللي عمره ما جذب و لا حلف زور ,, ذبح بقّة و ترس سبعة جدور .. و خلّى الشحوم و للحوم على الصواني تدور ) ,,
كان يامكان في قديم الزمان
كان في زوج مع زوجته جالسين في البيت وعندهم قطوه وحاطين فوق راس القطوة سراج بوسنارة جالسه معاهم
وهم قاعدين يتعشون
وجى الزوج قال لزوجته مادريتي وانا في الطريق شفت حرمة كلمتني وقالت لي سلم على هلشه بنت ملشه وقولها اختك ولدت وجابت ولد وبعدين ماشافو الا القطوة قامت تلووولش وافرحت ورمت السراج وانحاشت اثر اعرفو ان القطوة كانت من الجن ومايدرون عنها
واطلعت الي ولدت تكون اخت القطوة
يعني الحرمة الي شافها والقطوة الي عندهم جنانوة

انتهت الحزاااايه
اشرااااااااايكم بالقصه
ماخفتوووو ههههههههه

الله حزاوي تجنن ذكرتيني بايام اول

خلاص لما اذكر حزاية راح احطها

الجوري هالحزاية اول مرة تمر علي تشكرين على العموم عليها

ماشاء الله الجوري سبقتيني بالحزايه
والله اعرف حزايه بس مو متذكرتها للاخر بس اذكر نهايتها
اكتبها هههههههه انتظروني

يلا اشراقه ننتظر حزايتك
ترى احب حزاوي اول
خلونا نتذكر الطفوله هههه

Admin عدد المساهمات : 1306 تاريخ التسجيل : 22/12/2009

الجوريخوش احزايه ههههه

يالله ننتظرا اشراقه ونشوف احزايتها

واذا ذكرتي احزايه ثانيه يالجوري حطيها

شاكرة لكم مروركم

اجل سمعو هذه حزاية كلن على همه سرى

كان يا مكان في قديم الزمان كان زوج وزجته في البيت وكان أيام مطر ورعد مررررره والزوجه مغروره بالمره وشايفه نفسه كثيييييير قالت لزوجها ابيك تودي الكرتون لجيرانا قال صعبة والله صعبة مطر ورعد قالت هالحين ولا ابروح بيت اهلي من زينها عاد المهم مسكين الزوج طلع من البيت وهو يمشي سمع صوت قرب عنده وإذا رجل مذبوح وبعد ثواني جات الشرطة ومسكت الزوج وعلى طول حكم عليه القاضي بالشنق بالنسبة لزوجته شافت زوجها تأخر وطلعت بره الشارع سئلت قالوا لها مسكته الشرطة وراحت للشرطة قالوا لها في المحكمة المهم وهي في المحكمة شافت زوجها على حبل المشنقة اسئلته وقالت له بشر عساك وديت الكروتون ضحكت زوجها استغرب القاضي قال يا المتهم وش فيك قال والله ياقاضي ما شاء الله عليك انت وزجتي نفس الطريقة وبدون عقل قال القاضي اشلون قال انت على طول اشنقوه طيب شوف السبب وبعدين احكم وزوجتي تشوفني على حب المشنقة وتسئلني وديت الكرتون ولا تسأل ليش راح يشنقوك صج كلن على همه سرى

هذه ما هي حبابه بس اشوي مفرفشة
عشان ما تخافون من قصة الجوري
ههههههههههههههههههه

هههههههههههههه هههههههههههه

ماعليه مقبوله منك ياقمة الكرامه

واسعد الله قلبك كما تسعى لاسعاد غيرك

ههههههههههههههههههههه
قمة الكرامة فكرتك بتقول قصة الزوج الي بينشنق وتسأله زوجته عن طاسة النــ .... ههههههههههه عرفتها ههههههههههههه

طيب انا راح اقول قصة
كااااااان يامكان في قديم الزمان

الابو يسأل ولده كم صديق عندك قال الولد عندي اصدقاء كثيرما اقدر اعدهم قال الابو وكل اصقائك تعتمد عليهم قال الولد اي اعتمد عليهم واكثر قال الابو يقفون وياك في كل شده قال الولد اي ينشد فيهم الظهر
قال الابو طيب انا راح اختبر اصدقائك قال الولد كيف قال الابو جيب الخروف وذبحو الخروف ولفوه في قماش وخلو دمه يبين من القماش
وقال حق ولده روح نادي من اصدقائك الي تعتمد عليه صج وتحس انك توثق فيه اكثر واحد وقوله ان خطر علينا حرامي وجى ابوي وقتل هالحرامي وجى الولد ونادى صديقه وقاله هالكلام الي قاله ابوه
طبعا صديق الولد شاف القماش الملفوف وطبعا ماكان يدري انه خروف يفكر انسان مقتول وطبعا القماش كله دم
قال الابو لصديق تعال احنا متوهقين ولا عارفين شنسوي قال الصديق لالا انا ماعلي منكم وطلع من البيت وراح علم الفريج كله ان هذا البيت في جريمة قتل
وجى الابوه قال حق الولد ينادي الصديق الثاني وهكذا طبعا كل اصدقاء الولد خافو من الجريمة وانحاشو
قال الابو للولد ان اصدقائك ولا واحد ينشد فيهم الضهر ولا يعتمد عليهم
قال الولد اجل انت كم صديق عندك قال الابو واحد وشوف شبسوي
طبعا الابو راح نادى صديقه وقاله نفس الكلام الي قاله حق اصدقاء الولد
قال صديقه قوم قوم نشيله ونبعده عن بيتكم بسرعه علشان ماتجيكم الشرطه ضحك الابو وخلاه يشوف صديقه الخروف وقال
له انت تستاهل الذبيحه
وهذا الصديق الصح

اسمحولي طولت عليكم القصه بس عاجبتني وقلت خلني اكتبها
ويالله وين قصصكم خلونا نسمعها

يالله سمعو القصه اللي قالتها جدتي لي

ماقول الا الله يرحمها

والله حزايه بالنسبه لي كانت تخوف ماقلت لكم اول كانو معيشينه برعب هههههههه

بس على كل هذا ياحلاة ايام اول حتى بالرعب الموجود فيه ههههههه

كان يا ما كان
كان في رجال راح يسقي النخل
قرب أذان الفجر لما خلص من سقاية النخل وصار المؤذن يؤذن
راح الى عين ماي علشان يتوضا
شاف رجال يتوضوا عند العين
سلم عليهم
ردوا السلام بصوت يخوف
وقام يتوضأ
لما بغى يمسح على رجوله
التفت إلى رجول الرجال اللي كان واقف جنبه
شافها زي رجول الحمار واظافرها طويلة وتخوف
اختر ع الرجال وقام يراكض
وراح لعين ثانية
و هناك بعد شاف رجال يتوضوا
سلم عليهم
ردوا السلام بصوت يخوف ، شاف رجال قريب منه
و علمه وش صار وياه قبل شوي عند ذيكالعين
حزتها رفع الرجال رجوله
وقال له : مثل ذي؟
طلعت رجول الرجال هي بعد رجول حمار .

يعن كلهم جن هههههه

بذمتكم هاذي حزايه للاطفال ههههههههههه

لما قالتها جدتي الليل كله مانمت خايفه هههههه

اما هذي القصه قويه
لو على ايامنا كان قالوا الأطفال راح يتعقدون هههههههههههههههههههه

تشكرين اشراقة انتظروني في قصة ثانية