كلماتنا توسع الصدر هههههههه

اشذاذا....... ايش هذا ؟

منطول....... مرمي يعني مجدوع بالارض

مغتلق ..... ضايق صدره

امحق ....... امممممممم والله مادري كيف اشرحها بس يقولون امحق عليك ... يعني مالت عليك

موَقل ...... يعني على شفا حفرة من النار.... يعني متردد

دهريز ..... مدخل البيت

حويجة..... تصغير حاجه

مقاقة.... امممممممم شلون تنشرح هذي..... يعني يقولون ماعندها مقاقه على البزران .... يعني مالها خلق على البزران

زط ..... يعني مشفوح على الاكل

حمولة.... يعني قبيلة.. يقولون هذا الولد ولد حمولة يعني ولد قبيلي

طبينة... هذا اسم ريحة النخيل اذا حرقوها ...... والله ريحتها رهيبه

تراشي ... حلق الاذن

معاضد.... اساور

شحقة....يعني ايش حقه هذا

يزنط.... يعني يخنق ... تذكرون طاش ماطاش يوم يقول ... الله شذاذا حقيقة بيزنطوووونه

هطفة ... يعني مررررره طويل

زهبه.... يعني بسرعه

ينشب ... اممممممم يعني يقولون انجب الغدا يعني حط الغدا

طرطور... ماعنده شخصيه

فريج.... يعني الحي اللي ساكن فيه

الله يغربلك..... هذي سبه

رياري....... يعني سعابيل ... لعاب< بالعربي الفصيح

انطم..... يعني اسكت

ازعق .... يعني اممممم يقولون ازعق له يعني ناده

سكَان .... يعني دركسون السياره

مطيور.... يعني خبل مو عاقل

ودج.... عكس مطيور يعني يقولون للمطيور صير ودج يعني صير عاقل خخخخخخ

ألمَك.... يعني أضمك .... (اخمك بالقصيمي خخخخخ )

متحنجة.....يعني متحجبه ......لابسة شيلتها

الموسدة..... يعني الوسادة

سمادة .... حظيرة الحيوانات

عصقول .... الضعييييف مررررررره

منتفخ .... عكس عصقول يعني الدببببب

لاك.... يعني اممممممممم يعني مثلا تقول هذي الجزمه لاكه علي ... يعني ضاغطه علي ( وانتوا بكرامه )

جغم ......يعني رشفه من شي ... مثلا عطني جغم من عصيرك

يزرط.... يعني يبلع من غير ما يهضم

مغماص.... يعني اممممممم مثلا واحد كان ياكل بيض مع خبز... تقوله ممكن تعطيني مغماص يعني قطعه صغيره من الخبز فيها بيض مثلا

شمخ.... جرح صغير

يترارا.......يعني يشف ... يقولون هذا الثوب يترارا ,, يعني شفاف

ذب ....يعني رمى يقولون ذبيه يعني ارميه

قميظة.... يعني حسافه

الناس مول.... يعني الوقت متأخر

لثد ... يعني دبق مثل العسل لو لزق باليد يقولون يدي صارت لثده

امردقك.... يعني اضربك بقوووووه

هبابك ...... يعني عساه يمديك

إدن.... يعني اممممممم يقولون إدن لي مكان يعني وسع لي مكان

الصكة...... يعني برا البيت ..يقولون فلان بالصكه يعني مو بالبيت

سويعة..... تصغير ساعه

امبطح.... يعني انسدح و تمدد

مدع شة ..... اللي يدعكون فيها الجسم

صوغه ....... هديه يعني اذا سافر واحد لازم يجيب لاهله صوغه

ماتعدينا.... يعني ما طلعنا من بيتنا اليوم

يتصوخ...... يتسمع ... يسترق السمع < بالفصحى

هاش ام الطرور يطرك..... هاش يعني كعه على الوجه ...... وكلها على بعض ...سبه

مصخن..... يعني حرارته مرتفعه
__________________

على فكرة اللي تمر عليه كلمه مو فاهمها انا مستعده اشرح لكم وبالتفصيل هههههههههه

هههههههههههههههههه
والله صج توسع الصدر
هههههههههه
والله اغلبيتهم نقولهم الى الحين والباقي ماعرفتهم بس فهمتهم بالمعاني الموجوده هههه
ياحلو مواضيعك اشراقه
تشكرين

هههههههههه الجوري اي من الكلمات لم تعرفيها انا بالخدمه هههههههههه

افسرلك ترى ماعندي شي متفرغه لترجمه

ههههههههههه صج كلماتنا

توسع وتضحك

مادري من وين جايبن هالكلمات

ههههههههههههههههههه
ههههههههههههههه

كل الكلمات معاها الشرح الا وحده شرحها نفس الكلمة لكن لا تخافين تراني عارفها لكن غيري من الجنوب او الشمال مافيه امل يعرفها ههههههه
وهي

شحقة....يعني ايش حقه هذا

ما سويتي شي هههههههههههههه

صحيح بعض الكلمات ما عرفتها الا بعد الشرح

للمعلومة تراني اكثر اجلس افكر وش معناها إذا عرفتها اوك ما عرفتها رجعت للترجمه هههههههه

تشكرين حجية اشراقة .

الجوري انوار قمة الكرامه شاكرة لكم مروركم

لالا اشراقه اللي ماعرفتهم فهمتهم بالمعاني المشروحه
معليش لاتخافين على يدك صرت حسااااوية اصليه ههههه

Admin عدد المساهمات : 1306 تاريخ التسجيل : 22/12/2009

الحمد لله على الاقل فيه وحده تخرجت من منتدى نور القمر على يد الاستاذه ااشراقه

عقبال مانشوفك تدرسين اللغه

ههههههههههههههه

والله صج كلماتنا توسع الصدر وبعد ضحكت بصوت عالي وانا اقراها

اشراقه اموت واعرف من وين اتجيبين هالكلمات

الصراحه ضحكتيني وانا طفشانه

خخخخخخخخخخخ

انوار كتب:: ههههههههههه صج كلماتنا

توسع وتضحك

مادري من وين جايبن هالكلمات

والله حلوة الكلمات ليه نغيرها كل منطقه ولها شي يميزها واحنا

نتميز باللغه الحساويه مو عارفه ليه الواحد يخجل

من كلامه
ومنين جايبنها نسال اجدادنا نسال اول جد بالعائله ههههههههههههه

قمة الكرامه كتب:: ههههههههههههههههههه
ههههههههههههههه

كل الكلمات معاها الشرح الا وحده شرحها نفس الكلمة لكن لا تخافين تراني عارفها لكن غيري من الجنوب او الشمال مافيه امل يعرفها ههههههه
وهي

شحقة....يعني ايش حقه هذا

ما سويتي شي هههههههههههههه

صحيح بعض الكلمات ما عرفتها الا بعد الشرح

للمعلومة تراني اكثر اجلس افكر وش معناها إذا عرفتها اوك ما عرفتها رجعت للترجمه هههههههه

تشكرين حجية اشراقة .

لشكر على واجب ياولدي ههههههههه صدقت عمر حجيه هههههههه

اجل زين الترجمه مع الكلمات ادت الغرض ههههههههه

يالله ياولدي لتخلي الغربه تنسيك اهلك وربعك بالاحساء
ولاتنسى اصل لغتك هههههههههههه

وصيه من الحجيه اشراقه الى ابنها قمة الكرامه هههههههههههههههه

الجوري كتب:: هههههههههههههههههه
والله صج توسع الصدر
هههههههههه
والله اغلبيتهم نقولهم الى الحين والباقي ماعرفتهم بس فهمتهم بالمعاني الموجوده هههه
ياحلو مواضيعك اشراقه
تشكرين

الجوري اتمنى ان اراكي دائما مبتسمه

والحمد لله ان المواضيع تعجبك هذا يعطيني دافع اكبر لاواصل الطريق

وهذا لايكون الا عن دخولكم للموضوع والر د عليه واضافة بعضالامور منها ابتسامتكم واستمتاعكم بالقراءة

حورية الجنة كتب:: ههههههههههههههه

والله صج كلماتنا توسع الصدر وبعد ضحكت بصوت عالي وانا اقراها

اشراقه اموت واعرف من وين اتجيبين هالكلمات

الصراحه ضحكتيني وانا طفشانه

خخخخخخخخخخخ

ماراح اعلمك منين اجيبها الا اذا شفتك على طول بالقسم التراثي

اخاف تكونين جاسوسه هههههههههههههه وجايه تبي تسرق تراثنا ههههههههههه

ههههههههههههههههههههههههه
شحقة....يعني ايش حقه هذا
ما سويتي شي هههههههههههههه
ضحكني قمة الكرامه على هالكلام
صج كلمات قديمه وتوسع الصدر
يعطيك العافيه خيتوو

طيب انا عندي كلمه قديمه
يشلشل................يعني العرق يصب بقووووه

هههههههههههههه

حلوة يادلوعة ابوها

بدايه التعلم للهجه الحساويه ههههههههههههه

واصلي مشوارك في هذا الدرب ودعينا نرى كلمات اكثر

ومهن وتقاليد بالقسم يعطيك العافيه

بشري يااشراقه
وهاذي الكلمه علشان حوريه
حسافه
وانا عندي كلمه ثانيه بس يمكن نفس المعنى
غميظه........يعني اتوقع انهم نفس المعنى
وهو ان عندك شي مفضل وتقولين
حسافه....او....غميظه
ارميه في الزباله
عزكم الله

دلوعة ابوها مساهمتك ومساهمتي على كلمة حسافة ما اشوفها

ما تدرين وين راحوا اتوقع ان المديره او مشرفيها مسحوها

مع انها عاديه بس ما دري ليش مسحوها

دلوعه ماشاءا لله تواجد مستمر وعطاء

ننتظر كلمات تراثيه اكثر واصلي

حوريه تاكدي اذا كنتي وضعتي المساهمه ولا لا (اذا تم الارسال )

لان الادارة والمشرفين مايمسحون اي شي
الا اذا كان مو اخلاقي وانا دائما ادخل الموضوع لاتابع الردود

ماشفت اللي تقولي عنه

تاكدي اولا قبل الافتراض الواهم